ಹರಿಣಾಕ್ಷಿ

ಕಂಚಿನಾ ಕಲರವಾ ಕಣ್ಮಿಂಚಲೇ ಸಂಮ್ಮೇಳನ
ಕಾಣದಾ ಆಕರ್ಷಣಾ ಕುಡಿನೋಟದಾ ಪ್ರತಿಸ್ಪಂದನ

ಮನದಳದಲಿ ಅರಳಿಪ ಕಂಪಿನ ಸಂಪದ
ಹುರುಪಿನಅಮಲಲಿ ಹೊಳಪಿನ ಕಾಂತಿನಿ
ನಗೆಹೊನಲಿನ ಚಂದ್ರಿಮೆ ಹರಿಣಾಕ್ಷಿ

ಬದಿನೋಟದಾ ಸುಚಿತ್ರಣಾ ಪದಕುಂಚಕೆನಿಲುಕದಾಕ್ರಂದನ
ನಾಚಿದಾ ತುಟಿತಳಮಳ ಮೂಡಣರವಿ ರಕ್ತಾಂಚನ

ನೊಸಲಿನ ತಟದಿಂ ಇಳಿಜಾರಲಿ ನಾಸಿಕೆ
ಸೇರಿಹ ತುಟಿಗಳ ತಲ್ಲಣಕೆ
ಕಿರಿಚಂದ್ರಿಕೆ ಗಲ್ಲದಿ ತಿರುವುತ ಕಂಠಕೆ
ಹರಿಣಾಕ್ಷಿಯ ಸೊಬಗನು ಬಣ್ಣಿಸುತ

ಭಾವಾರ್ಥ

ಸುತ್ತರ ಆಗಸದಂಚಿನ ದಿಶೆಗಳ
ನಡುವಿನ ಪಯಣದ 'ತಿಳಿವ' ಜಲ

ಬಿತ್ತರ ಅರ್ಥದ ಅಬ್ಧಿಯೋಳ್ ಅನಿಸುವ
ಅರಿವಿನ ಚುಕ್ಕಿಯ ಗ್ರಹಿಪ ಭವ

ಆಗಮ ನಿರ್ಗಮ ಭಾಸ್ಕರ ಓರ್ವನೆ
ಮೂಡಣ ಪಡುವಣ ಭಿನ್ನ ಭವ

ಉತ್ತರ-ದಕ್ಷಿಣವಾದರೂ ಈ ದಿಶೆಗಳು
ಉದಯಾಸ್ತ ಅರಿವದು ಓರ್ವಪರಿ

ಬದಲಾವಣೆ ಎಂದಿಗೂ ಬದಲಾಗದ ಅರ್ಥವು
ಬದಲಾದರೂ ಭಾವಾರ್ಥ ಬದಲಾವಣೆಯೇ

ಮಾ(ತು ಮೌ)ನ

ಮಾತಲಿರುವುದು ಮನದ ತುಣುಕು ಭಾವನೆ

ಎಲ್ಲ ಅಡಕವೂ ಕೊಂಚ ಮೌನದಲ್ಲಿಯೇ

ಸೇರಿ ಮಾತು-ಮೌನ 'ಮಾನ'ವೆಂಬ ಪಯಣ

ಇದನರಿತ ಪೆದ್ದನೂ ಸ್ಥಿಮಿತಲಯದಿ ನುಡಿವನು

ಮಾತು-ಮೌನದಾ ಸಂಭಾಷಣೆ
ಹೊಸತ ಅರಿಯುವಾ ಹನಿ-ಹನಿಯ ಕಾಣಿಕೆ

ಎಲ್ಲೆ ಇಲ್ಲದಾ ಮೌನದರಮನೇ
ಇಲ್ಲಿರುವರೆಲ್ಲರೂ ಮಾತುಮಲ್ಲರೇ

ನುಡಿವ ಮಾತದು ಗುಣದ ಲಾಂಛನಾ
ಮೌನ ಸ್ಮರಣೆಯೂ ಮನಕೆ ಭೂಷಣ

ಮನದೆಲ್ಲ ಮೌನವೂ ಬಾಲಕೃಷ್ಣಾರ್ಪಣ

ನಡೆ

ನಡೆದಂತೆ ನುಡಿನುಡಿದು
ನುಡಿದನಡೆ ಮರೆಯದಿರು


ನಡೆದಿರುವ ಗುಂಗಿನಲಿ, ಮುನ್ನಡೆಗೆ
ಹಿನ್ನಡೆಯ ಮುನ್ನುಡಿಯ ಬರೆಯದಿರು


"ಮುಂದೆ ನಡೆ - ಹಿಂದೆ ನುಡಿ"ಗಳನೇರಿಸಿ ಮುಡಿಗೆ
ನುಡಿದಂತೆ ನಡೆಯುತಿರು ನಡೆಸಲಾಗದ ನುಡಿಯದಿರು                  

                      ಸರ್ವಕಾಲದಲಿ


The translation of a poem fromone language to another, often brings down the charm due to language barrier .... Siddarth Ghosh has given such a great touch in english .... that I think he wrote the poem and I translated it.[21-oct-2011].

                To the lost man 

When oft you speak of things all lost,

Curse the past for all the same

How the words spoken old

Lay forgotten in the sway

When oft drowning in the past

Nostalgic of the things all lost 

Why ink the prologue of descent's hike

Why retrace the steps against the stride.

Why not take the forward march

As been said since time so old

And totter up the onward path

And make it life's frontal goal

Act on words all spoken now

Which have said all along

Yet never again grace all things 

With perfidious favour, the impossibility's score

Let this be done forever and ever

And for all eternity now......

ಹನಿ

ಮನಸಲಿ ಮೌಢ್ಯದ ಕಂದಕ ಮೂಡುತ
ಆಳಗಲವ ಅಳೆದಲೆದಾಡುತಲಿ


'ಜ್ಞಾರ್ಥದ' ಅಸ್ಮಿತೆ ಮೂಢನೂ ಆಲಿಪ
ಅಂತರಾಳದ ಚಿಲುಮೆಯ ಮಂದಶೃತಿ


ಕಣ-ಕಣ ಕಂದಕ ವಿಮರ್ಶಿಸಿ ಚರ್ಚಿಪೆ
ಒಳಹರಿವುದು 'ಹನಿ-ಭವ' ಗೂಡುತಲಿ


ನಿಲುಕದ ಆಳದ ಅರಿವಿನ ಹೊಳಪು
'ನಾ'ನ್ನೆನ್ನುವ ತಿಮಿರದ ಅಳಿವಿನ ಬೆಳಕು


ಹನಿಗಳಲೊಬ್ಬನಾಗಲು ದುಡಿದೊಡೆ
ತೊರೆಹೊಳೆನದಿಗಳ ಸಾಗರವು


ಹರಿವಲಿ 'ನಾ'ಅಗಲಲು ಜಿಗಿದೊಡೆ
ಎಲೆಶಿಲೆಮಣ್ಣಲಿ ನಶ್ವರವು


ತುಂಬುತ ಕಂದಕ ತೊರೆಯಾಗುವ ತವಕ
ಜುಳು-ಜುಳು ನಾದದಿ ನದಿ ಸೇರುವ ಮನಕ


ನದಿಯಲಿ ಸಾಗರವೆನ್ನುವ ಪುಳಕ
ಸಾಗರದಲಿ ಕರಗುತ ಹನಿಯಾಗುವ ತನಕ ....
...... ಮರು 'ಹನಿ'ಯಾಗುವ ತನಕ

ಮನ-ಕಿಡಿಗಳು

ರಾಜ್ಯೋತ್ಸವಕ್ಕಾಗಿ

ಎನ್ನನು ಬಿಂಬಿಸೊ ಕನ್ನಡಿ ಮನವು

ಬೊಂಬಿತ ಬೆಳಕದು ಕನ್ನಡವು

ಕನ್ನಡ ಬೆಳಕದು ಮನದಿಂಬೆಳಗಲು

ಕಥೆ-ಕವನವ ಎನ್ನಲಿ ಕಾಣುವೆನು

ಹರುಷದಿ ನಲಿಯುತ ಬರೆಯುವೆನು

ಕನ್ನಡ ಬೆಳಕಲಿ ನಡೆದಿಹೆನು

ಲೇಖನ 

ಗೀಚುವ ಹಾಳೆಯ ಹಿಂದಿನ ಸಾಲು

ಬಾಳಿದ ಮರಗಳ ನೋವಿನ ಪಾಲು

ಅನುಭವ ಬೇರಲಿ ಮೂಡುವ ಕಾವ್ಯದ

ಅರ್ಥದ ಚಿಗುರಲಿ ಅರಳುವ ಚೇತನ

ಮರು ಜೀವವ ತುಂಬುವ ಯತ್ನದ ಲೇಖನ

ಮಂದಾರ ಗೊಂಬೆ

ಸ್ವಪ್ನದ ಲೋಕಾ ಕಿನ್ನರಿ ಗೀತೆ

ಪೆಳುವೆ ಈಗ ಚೆಲುವೆಯಾ ಕಥೆ

ಓಮ್ಮೆ ರಾತ್ರಿಲಿ ಚಂದಿರ ಬಂದ್ಯಾನೋ

ಬೆಳದಿಂಗಳಾ ಎಲ್ಲೆಡೆ ಚಲ್ಯಾನೋ

ಹೂವ ತೋಟವಾ ಇಣುಕಿ ನೊಡ್ಯಾನೋ

ಮಲ್ಲೆ ಸಂಪಿಯರ ಸಪ್ಪೆ ಮೊಗವಾ ಕಂಡ್ಯಾನೋ

ಏಕೆ ಹೀಗೆಂದೂ ಮುನ್ನಡೆದು ತಿಳಿದ್ಯಾನೋ

ಚೆಲುವಿಯ ಮೊರೆಗೆ ಬೆರಗಾಗಿ ನಿಂತ್ಯಾನೋ

ತನ್ನಯ ಕಾಲಾ ಕ್ರಮಿಸಿತೆಂದು

ಮುಂಜಾನೆ ಮುನ್ನ ನಾಚಿಓಡ್ಯಾನೋ

ಆ ಚೆಲುವು ಎಂತೆಂದು ಕಲ್ಪಿಸುತಲಿ

ಎನ್ನ ಮುಂದೆ ನಾ ಕಂಡೆ ಆ ಮಂದಾರ ಗೊಂಬೆ...... ಮಂದಾರ ಗೊಂಬೆ.....

ಅರಿಯದ ಆಮಿಶ

ಬೆಟ್ಟದ ನಾರಿ ಚೆಲುವಿನ ಮಾರಿ

ಅವಳೆಡೆ ಹೊರೆಟರೆ ಜಾರುವ ದಾರಿ

ಬಂಡೆಯ ಬಲವೋ ಮನಸಿನ ಛಲವೋ

ನಾನೀಗಿರುವೆನು ಬೆಟ್ಟವನೇರಿ

ಗಗನವನೇರುವ ಹಂಬಲವೆನ್ನ

ಸೆಳೆದಿದೆ ಅರಿಯದ ಆಮಿಶದೆಡೆಗೆ

ಬಾಗಿದ ಬಂಡೆಯ ಅಡಿಯಲಿ ಹಸಿರೋ

ಬಾಗುತ ನಡೆವನ ಮುಡಿಗದು ಗೆಲುವೋ

ನೀರಿನ ಬಣ್ಣ

ಬದುಕಲಿ ಮುದುಕೆಲೆ ಉದುರಿಹೋಗುವ ಮುನ್ನ

ಹಸಿರಲಿ ನಗುತೈತಿ ಓಮ್ಮೆ ಹಾಂಗಾ

ಕೆಲವೊಮ್ಮೆ ಎಲೆಯೊಳು ಹಳದಿ ತುಂಬಲು ತಾನು

ಉದುರಿಹೋಗುತ್ತಾ ನಗುವ ಮುನ್ನ

ಎಲೆಗೊಂದು ಕಥೆಯೋ ಹೂಗೊಂದು ವೆಥೆಯೋ

ಕಾಯ್ಗಳ ಕಳವಳ ನೂರಒಂದ

ಹೊಸಗಿಡಕಿದು ಪಾಠ ಹಳೆಮರಕಾ ದಿನದಾಟ

ನಡಿತೈತಿ ಕಾಲವು ಹೀಗೆ ಎಂದು

ಎಲೆಯ ಪಂಕ್ತಿ ನಿಂದ ಹೂವ ಜಾತಿ ನಿಂದ

ಕಾಯ್ಗಳ ಸಂಭಂದಿ ನೀನು ಎಂದ

ತಿಳಿದು ನೀ ಯಾರೆಂದು ಅರಿತು ಕಾರ್ಯವ ನಿಂದು

ನಡೆ ಗುರಿಎಡೆ ನದಿ ಹರಿವಹಾಂಗ

ನಂಬುಗೆಯೇ ದೇವ ಕಾಯಕವೇ ಪೂಜೆ

ನಡೆವ ಪಥವೆ ನಿನ್ನ ಸಾಧನವೂ

ಹುರುಳಿಲ್ಲದಾ ಬಾಳು ಕೊನೆ ಇಲ್ಲದಾ ಜಾತ್ರಿ

ನೀರಿನಬಣ್ಣದ ಜೀವನವು.... ನೀರಿನಬಣ್ಣದ ಜೀವನವು................ 

My in depth gratitude to Mr. Siddharth Ghosh, whom I met in RRI when I joined as VSP, for translating this poem in english. {05/Aug/2010}

COLORLESS

The leaf so old ere it withers away

Rejoice, will once, in the joy of green.

But, alas its fate to, fade away

Ere its rejoicing and merriment done.

Each leaf so green has a tale to tell

Each bud that blossoms; its song of grief.

The fruit that hangs so ripe on the tree, will

still lament its miseries to thee.

To the sapling in the heart of the earth,

this will always have a lesson new

But, it is the chore of life to the grandest tree

For such is the way of "Time" .

What from leaves or flowers or fruits so sweet

Hail you to your place down here?

Realisation thus; may mark your path

like a river to its goal.

Beilef is thy God and work thy worship

The path thou trod; thy achievement is

The void of life; an endless fair

For this is the color of water.

ಮೆಘಾಲೋಚನೆ

ನಿಂದಿಹೆನು ನಡುವಿನಲಿ ಬೆಂಬದಿಗೆ ಭಾನು

ಮುಂಬದಿಗೆ ಕಾಣುತಿಹೆ ರಮ್ಯ ಭುವಿ ತಾಣ

ಮನದಿ ನಡೆದಿಹ ಹೊಯ್ದಾಟವನಿಂದು

ಪೇಳ್ವೆನಾ ಸಂತಸದ ಮಹದಾಸೆ ಇಂದು

ಒಗ್ಗೂಡಿ ಬೇಗೊಡಿ ಭುವಿ ಸ್ಪರ್ಶಿಸುವಾಸೆ

ತುಂತುರುಹನಿಯಾಗಿ ತಂಪನು ತುಂಬುವಾಸೆ

ಮಲ್ಲಿಗೆಯ ಮೇಲಿನ ಬೆಳ್ಳಿ-ಚುಕ್ಕೆಯಾಗುವಾಸೆ

ಅರಳಿಹ-ಪುಷ್ಪಕೆ ಮೆತ್ತನೆಯ-ಮುತ್ತಿಟ್ಟು ರಸಿಕತೆಬೀರುವಾಸೆ

ಇಂತಿಹದು ಎನ್ಮನದ ಅನುಭವದ ಬಯಕೆ

ರಭಸದೀ ಧರೆಗಿಳಿದು ಗಿರಿಯ-ತೊರೆಯಾಗುವಾಸೆ

ತಗ್ಗುದಿಣ್ಣೆಯಲೋಡಿ ಹೊಳೆಯಾಗುವಾಸೆ

ಬೃಹದ್ಶಿಲೆಯಲಿ ಹರಿದು ರಂದ್ರ ಚಿತ್ರಿಸುವಾಸೆ

ಹಲವಾರು ಹೊಳೆಯೊಡನೆ ನದಿಯಾಗುವಾಸೆ

ಇಂತಿಹದು ಎನ್ಮನದ ಅನುಭವದ ಬಯಕೆ

ಅಂಕುಡೊಂಕಲಿ ನಡೆದು ಬೋರ್ಗರೆವ ಆಸೆ

ದೈತ್ಯ ಪಾತ್ರದಿನಿಂದು ಶಾಂತಿ ಸೂಚಿಸುವಾಸೆ

ಬೃಹದಾಳಕೆ ಜಿಗಿದು ಜಲಧಾರೆಯಾಗುವಾಸೆ

ಅನನ್ಯ ಜಲಚರಗಳ ಮನೆಯಾಗುವಾಸೆ

ಇಂತಿಹದು ಎನ್ಮನದ ಅನುಭವದ ಬಯಕೆ

ನಾನೀಗ ’ಹನಿ-ಜ್ಞಾನಿ’ ಎನಿಸಿಕೊಳ್ಳುವಾಸೆ

ಹನಿಗಳನು ಕೂಡಿಸುತ ಜ್ಞಾನಸಾಗರ ಸೇರುವಾಸೆ

ಮತ್ತೊಮ್ಮೆ ಮೋಡದೊಳು ಅದ ಹಂಚುವಾಸೆ

ನಿಂತಿಹೆನುನಾನೀಗ ಭುವಿ-ಭಾನಿನಲ್ಲಿ

ಇಂತಿಹದು ಎನ್ಮನದ ಅನುಭವದ ಬಯಕೆ................

ಇಂತಿಹದು ಎನ್ಮನದ ಅನುಭವದ ಬಯಕೆ................