ಮನಸಲಿ ಮೌಢ್ಯದ ಕಂದಕ ಮೂಡುತ
ಆಳಗಲವ ಅಳೆದಲೆದಾಡುತಲಿ
'ಜ್ಞಾರ್ಥದ' ಅಸ್ಮಿತೆ ಮೂಢನೂ ಆಲಿಪ
ಅಂತರಾಳದ ಚಿಲುಮೆಯ ಮಂದಶೃತಿ
ಕಣ-ಕಣ ಕಂದಕ ವಿಮರ್ಶಿಸಿ ಚರ್ಚಿಪೆ
ಒಳಹರಿವುದು 'ಹನಿ-ಭವ' ಗೂಡುತಲಿ
ನಿಲುಕದ ಆಳದ ಅರಿವಿನ ಹೊಳಪು
'ನಾ'ನ್ನೆನ್ನುವ ತಿಮಿರದ ಅಳಿವಿನ ಬೆಳಕು
ಹನಿಗಳಲೊಬ್ಬನಾಗಲು ದುಡಿದೊಡೆ
ತೊರೆಹೊಳೆನದಿಗಳ ಸಾಗರವು
ಹರಿವಲಿ 'ನಾ'ಅಗಲಲು ಜಿಗಿದೊಡೆ
ಎಲೆಶಿಲೆಮಣ್ಣಲಿ ನಶ್ವರವು
ತುಂಬುತ ಕಂದಕ ತೊರೆಯಾಗುವ ತವಕ
ಜುಳು-ಜುಳು ನಾದದಿ ನದಿ ಸೇರುವ ಮನಕ
ನದಿಯಲಿ ಸಾಗರವೆನ್ನುವ ಪುಳಕ
ಸಾಗರದಲಿ ಕರಗುತ ಹನಿಯಾಗುವ ತನಕ ....
...... ಮರು 'ಹನಿ'ಯಾಗುವ ತನಕ
No comments:
Post a Comment